Đơs tàm dar pơrjum dơ̆ 44 bơh Anih duh broă Lơh kơnòl broă sùm Quôk hội, sơnđờm mut lơh ngai 14/04, Củ tịc Quôk hội pà gĭt, rơ̆p tă pơgồp jơnau đơs, sền sơ wì, lơh nền 42 mpồl tơngume: tam gơl, bơtơl bàr pe bơta bơh Sơnoa boh lam nam 2013; sền sơwì ală broă gơwèt gơnăp gơnoar nàng mhar ngan tă bơsong kal ke, kòl yan ai ală mpồl lơh sa kă bro in.

Is ồn, Anih duh broă Lơh kơnòl broă sùm Quôk hội rơ̆p tă pơgồp jơnau đơs bè sră nggal sồr: tam gơl, bơtơl bàr pe bơta bơh Sơnoa boh lam nam 2013; tơnggơs Anih duh broă jơnau rcang cih tam gơl, bơtơl bàr pe bơta bơh Sơnoa boh lam nam 2013; tă pơgồp jơnau đơs làng bol dê bè jơnau rcang cih tam gơl, bơtơl bàr pe bơta bơh Sơnoa boh lam nam 2013 tàm pơgăp 1 nhai. Củ tịc Quôk hội ồng Trần Thanh Mẫn đơs sùm, broă tam gơl Sơnoa boh lam là kơnòl broă is ồn kwơ màng mờ mpồl broă lơh dờng ngan, gơrềng tus kơnòl bơh ală anih lơh broă cíñ trị, jat Jơnau đơs pơndŭt sồ 126,127 bơh Ƀộ Cíñ trị mờ Mpồl Sồr lơh Dà lơgar dê. Tàm tơngai geh bơyai lơh pơrjum, Anih duh broă Lơh kơnòl broă sùm Quôk hội pal lơh sir broă sền sơwì, ring bal ală Jơnau neh lơh nền rơndăp tăp sèng, rơndăp broă wơl mpồl lơh broă sră nggal gơnoar atbồ kấp sàh; mơkung tă pơgồp jơnau đơs nàng yal mờ Quôk hội in ring bal Jơnau lơh nền tàm pơrjum mut gơ rờm bal ală mpồl lơh broă sră nggal gơnoar atbồ kấp càr mờ lơh sir ală tơngume jat Broă lơh lơh broă qúy 2 neh geh ai lơh jat.