Cribơyai mờ ală kwang bàng, cau lơh broă sa priă nhai dà lơgar lơh broă tơn tàm Anih tờm sră pơ àr gơnoar atbồ, Củ tịc Quôk hội đơs sùm, jơnau lơh nền bơh Dà lơgar dê tŭ rơndap tap sèng wơl ală mpồl lơh broă sră pơ àr gơnoar atbồ kâp càr, kâp sàh, lam lơh broă lơh gơnoar atbồ ƀòn lơgar 2 kâp là kờñ rềp làng bol, bơsong ală sră nggal gơnoar atbồ dồ bă sơrbac mhar rlau, ƀuơn rlau, bơh hơ̆ làng bol niam nùs, pin dờn tàm Đảng, dà lơgar, ngan ngồn sền gròi làng bol in.

Lơh broă mờ kwang đơng lam bồ ƀòn dờng Cần Thơ tơnơ̆ tŭ lòt sền ù tiah ngan ngồn, Củ tịc Quôk hội ồng Trần Thanh Mẫn tơngkah, bè rơndap ngui phan bơna dà lơgar, ƀòn dờng gơtùi rơndap dùl anih lơh broă ai uă anih lơh broă, mpồl cau, mpồl lơh broă in ngui dơ̆ lĕ bal, dùl anih lơh broă gơtùi rơndap gàr sùm lơh broă tàm uă anih lơh broă tàm tŭ tơngai sơn rờp rơndap tap sèng mpồl lơh broă sră pơ àr gơnoar atbồ nàng gàr niam broă lơh atbồ dà lơgar tàm ală tiah tơmut bal mờ tơrmù ƀà kal ke ai broă lòt rê, rài kis bơh kwang bàng, cau lơh broă sa priă nhai dà lơgar mờ cau lơh broă in; ờ lơh gơ rềng, lơh gơ kòl tus broă lam lơh ală broă drơng ala dà lơgar ai làng bol in.