Dơ̆ lòt còp tus lơgar Senegal cèng jơnau gơtha kah yau, là dơ̆ lòt còp kâp dờng ngan rlau jơh bơh lài tus tŭ do tàm mờr 60 nam bơta git gơp đah 2 lơgar. Do là bơta tam gơl kuơmàng ngan tàm bơta git gơp đah 2 lơgar geh lơh tàm tŭ tơngai Senegal là dùl tàm ală rài lơh sa bơtàu tơnguh mhar ngan rlau jơh tiah đah mat tơngai mut câu Phi. 

Dơ̆ lòt còp kờp dŭ chồl tơnguh lơh broă bal nghị viên lơh geh cồng nha tàm jơh ală bơta, mờ kung rề ơnàng lơh broă bal tàm uă gah ndai bè lơh sa, tàp pràn să jan, broă lơh sa suơn sre mờ lơh broă bal đah ală tiah. Uă jơnau ring bal lơh broă bal kuơmàng geh kơp kơnờm rơp geh kĭ hơ tàm dơ̆ lòt còp nàng kờñ lơh gơlik bơnàng jă ai bơta git gơp đah Việt Nam mờ Senegal bơtàu tơnguh pràn kơldang rlau tàm tơngai tus.