Củ tịc Quôk hội ồng Trần Thanh Mẫn  dờng màng pơyoa jơnau lùp còp bơh Tổng Ƀí thư ồng Tô Lâm, Củ tịc lơgar ồng Lương Cường mờ Thủ tướng Cíñ phủ ồng Phạm Minh Chính tus Kwang atbồ lơgar Armenia ồng Vahagn Khachaturyan; đơs sùm làng bol Việt Nam sùm cih kah bơta dong mờ dong kờl kwơ màng mờ làng bol lơgar Armenia neh lời ai lơgar Việt Nam in tàm dơ̆ tam lơh ai geh lơngăp lơngai is jơi bơtiàn mờ tàm broă lơh bơt bơtàu, bơtàu tơnguh Dà lơgar.

Bàr nă kwang đơng lam bồ chờ hờp tềng đăp ală bơta bơtàu tơnguh niam ngan bơh bơta gĭt gơ̆p Việt Nam mờ Armenia tàm uă gah; cih dờp broă gàr niam tàm pơgơl mpồl kwang bàng ală kấp, is ồn là kwang bàng kấp dờng tàm jơh ală gah geh lam lơh jơh nùs, geh cồng nha nàng kờñ pơn jat tai lơh kơ̆ kơl jăp rlau tai bơta gĭt gơ̆p mờ bơta pin dờn bal mờ gơ̆p, lơh geh bơta kwơ bơh jơh bal 2 lơgar dê; jờng rơ uă bơta gơguh jơh nùs bơh lơh broă bal lơh sa- kă bro phan đah 2 lơgar, ngan là tàm ală nam pa do tơnơ̆ tŭ Jơnau kĭ hơ Kă bro phan khat gơboh đah Việt Nam mờ Mpồl tam klăc Lơh sa câu Á- câu Âu geh lơh jat ngan ngồn tàm nam 2016.