Gờm chờ ală mpồl lơh sa kă bro tus bal pơrjum, Củ tịc Quôk hội ồng Trần Thanh Mẫn đơs sùm, dơ̆ lòt còp do ờ mìng nàng kờñ lơh kơ̆ kơl jap rlau tai bơta gĭt gơ̆p cíñ trị, nghị viện lơm mờ gam pờ geh tŭ tơngai niam sơlơ tơnguh tai lơh sa, kă bro phan mờ bơcri priă- gah mờ jơh bal 2 Dà lơgar ndrờm geh bơta ƀuơn, bơta pràn dờng ngan nàng bal mờ gơ̆p mut lơh bal.

Nàng sơlơ tơnguh tai, lơh jrô ơnàng làm uă, tơl làm mờ geh cồng nha rlau tai lơh broă bal đah mpồl bơtiàn mpồl lơh sa kă bro 2 lơgar dê mờ tờm ngan là bơcri priă mờ kă bro phan, Củ tịc Quôk hội sồr, 2 gah pal jơh nùs lơh geh ală bơta ai ală mpồl lơh sa kă bro Việt Nam mờ Armenia in sùm geh ală tŭ tơngai niam cribơyai, jòi gĭt mờ ngui ală tŭ tơngai niam lơh broă bal, bơcri priă lơh, ngan là tàm ală gah geh uă bơta ƀuơn bơta pràn mờ jơnau kờñ dê. 2 lơgar pal sơlơ tơnguh tai tàm pơgơl mpồl kwang bàng ală kấp, is ồn là kwang bàng kấp dờng nàng kờñ lơh kơ̆ kơl jăp rlau tai pin dờn cíñ trị mờ sơlơ tơnguh tai lơh broă bal tàm ală gah geh bơta ƀuơn bơta pràn.