Tàm Pơrjum Mpồl duh broă Tam klăc bal Nghị viện đơs dà Tây (APF) mờ Cri bơyai Nghị việt lơh broă bal đơs dà Tây bè lơh sa suơn sre kơl jăp, tơl phan sa mờ rơcang sơndră mờ tam gơl trồ tiah, tàm ƀòn dờng Cần Thơ, Củ tịc Quốk hội ồng Trần Thanh Mẫn neh wă Củ tịc Quốk hội lơgar Congo ồng Vital Kamerhe.

Tàm dơ̆ wă, Củ tịc Quốk hội đơs sùm, lơgar Việt Nam sền kwơ bơta git gơ̆p lơh bơyô bal ờs mờng mờ lơgar Congo, bàr lơgar neh crơng gơs bơta git gơ̆p cri bơyai broă mờ lơgar ndai bơh lài tŭ geh bơta lơngăp lơngai krơi is tàm ngai 13 nhai 4 nam 1961; đơs niam ală cồng nha bơtàu tơnguh lơh sa, lơh ngan kơ̆ kơl jăp cíñ trị bơh lơgar Congo dê tàm tơngai do, pơgồp bal tàm broă tơnguh uă bơngă bơh lơgar tàm tiah do. Đơs loh, lơh broă bal nghị viện là dùl gah kwơ màng tàm jơh ală bơta git gơ̆p niam bơnĕ đah bàr lơgar dê tàm jơh đah lơh b–oă bal đah bàr lơgar mờ uă lơgar, Củ tịc Quốk hội ồng Trần Thanh Mẫn kơ̆p kờñ, tàm tơngai tus lơh pràn bơta git gơ̆p nghị viện bàr lơgar, tàm hơ̆ bàr gah tơrgùm pơgơl mpồl kấp dờng đah kwang đơng lam Nghị viện bàr lơgar, kung bè ală anih lơh broă tờm bơh bàr Quốk hội dê.