Tàm dơ̆ bơyai lơh Cribơyai Nghị viện lơh broă bal đơs dà Tây bè broă lơh sa suơn sre kơ̆ kơl jăp, gàr tơl phan sa geh gar mờ drơng mờ tam gơl nhơm trồ tiah mờ Pơrjum Mpồl duh broă Mpồl Nghị viện đơs dà Tây (APF), mho ngai 22/1, tàm ƀòn dờng Cần Thơ, Củ tịc Quôk hội ồng Trần Thanh Mẫn neh wă Phó Củ tịc dơ̆ 1 Thượng viện lơgar Campuchia ồng Úc Bô-rứt. 

Củ tịc Quôk hội ồng Trần Thanh Mẫn đơs nền, Việt Nam sùm sền dờng màng, lời ai lam lài ai broă sùm lơh kơ̆ kơl jăp mờ bơtàu tơnguh bơta gĭt gơ̆p lơgar rềp bal niam bơnĕ, lơh bơyô bal ờs mờng, lơh broă bal tơl làm, kơ̆ kơl jăp jŏ jòng đah 2 lơgar; sùm ai bơta kờñ uă ngan rlau jơh gơwèt mờ Đảng Làng bol Campuchia (CPP) mờ Dà lơgar Campuchia; kờñ dùl lơgar Campuchia lơngăp lơngai is, ring bal, bơtàu tơnguh pas gơs mờ lơh jat niam kơnòl broă, gơnoar broă tàm tiah lơh broă ală lơgar dê.Bàr nă kwang đơng lam bồ chờ hờp pà gŏ, bơta gĭt gơ̆p 2 lơgar dê tàm tơngai pa dp pơn jat tai geh bơt bơtàu mờ sơlơ tơnguh tai. Bàr lơgar gàr niam sùm dơ̆ tàm pơgơl mpồl kwang bàng kấp dờng mờ ală kấp; mơkung sơlơ tơnguh rlau tai bơta gĭt gơ̆p đah 2 lơgar mờ bal mờ lơgar Lào tàm tơngai tus nàng 3 lơgar Đông Dương in bơtàu tơnguh kơ̆ kơl jăp bal, kơ̆ kơl jăp jŏ jòng tă pơgồp bal ai ring lơngai, pas gơs bơh tiah do dê.