Củ tịc Quôk hội ồng Trần Thanh Mẫn pin dờn bơh bơta đơng lam àng sơrdah, jơh nùs jơh tồr, di tŭ bơh Đảng dê, bơta jăt sền geh cồng nha bơh Quôk hội dê mờ bơta sồr lơh, đơng lam lơh jăt kràñ cê jơh nùs bơh Cíñ phủ dê, dà lơgar mờ làng bol Lào rơ̆p sơrlèt jơh ală kal ke, lơh jăt geh cồng nha Jơnau lơh nền tàm pơrjum bơh Pơrjum dờng dơ̆ XI dê mờ bơyai lơh geh cồng nha Pơrjum dờng Đảng ală kâp, wèt tus Pơrjum dờng Đảng jơh gùt lơgar dơ̆ XII tàm nam 2026.

Củ tịc Quôk hội ồng Trần Thanh Mẫn sồr Quôk hội 2 lơgar pơnjăt tai pơgồp bal kơ̆ kơl jăp, jăt sền bal geh cồng nha broă lam lơh jăt ală Jơnau ring bal kâp dờng; sơlơ tàm pơgơl mpồl kwang bàng lòt còp bal mờ gơ̆p, yal tơnggĭt, mờng chài tàm broă lơh rơndăp tăp sèng, tơrmù dipal mpồl lơh broă ală anih lơh broă Quôk hội, lơh broă lơh adăt boh lam, lam ală mpồl jăt sền mờ lùp sền bal, sồr ngan Cíñ phủ, ală ƀộ, gah, ƀòn lơgar mờ mpồl lơh sa kă bro lam lơh jăt niam Jơnau yal bơr bal Việt Nam mờ Lào.