Tàm dơ̆ tìp mat mờ cau tĕ khà, Củ tịc Quôk hội yal cồng nha pơrjum dơ̆ 9, Quôk hội khoă 15 mờ mblàng loh làng gùng dà broă lơh tơmŭt bal càr, ƀòn dờng là gùng dà broă lơh cèng jơnau kah yau, nàng kờñ tơrmù di pal mpồl lơh broă, tơnguh cồng nha atbồ, drơng broă niam rlau tai làng bol mờ mpồl lơh sa kă bro.

Củ tịc Quôk hội sồr Cần Thơ lơh pràn mblàng yal, dong làng bol gĭt wă loh jơnau kờñ, gơtha bơh broă tơmŭt bal. Mơkung ngui niam bơta ƀuơn bơta pràn ƀòn lơgar dê, dong kờl bal mờ gơ̆p nàng sơlơ tơnguh tai bơtàu tơnguh lơh sa - mpồl bơtiàn, bơtàu tơnguh rài kis làng bol dê. Nàng lơh geh jơnau kờñ gơs lơgar priă lơh geh kờp bal uă tàm nam 2030, Cần Thơ pal lơh geh gơguh lơh sa bơh 8% rlau mờ tŭ do mờ gơguh 2 nơm khà sồ tàm tơngai bơh nam 2026–2030, ndrờm pal mờ khà kờp bal jơh gùt lơgar dê.