Tàm dơ̆ cri bơyai tàm điện thoại, Đại tướng ồng Phan Văn Giang đơs sùm lơgar Việt Nam lơh jăt gùng dà lơh broă bal mờ lơgar ndai khăt gơboh krơi is, lơh tờm, uă bơta, uă gah broă, rơcang mờ tus bal tơrgùm mờ ală lơgar, là bơyô, lơh broă bal pin dờn, lơgar tàm mpồl geh kơnòl bơh mpồl bơtiàn ală lơgar dê; sùm sền lơgar Mỹ là dùl tàm ală lơgar lơh broă bal kwơ màng jŏ jòng lài ngan.

Đại tướng ồng Phan Văn Giang đơs sùm, lơh broă bal bơsong bơta hoàc huơr rài tam lơh tàm tơngai do là bơta niam tàm bơta git gơ̆p ling klàng bàr lơgar dê, pơgồp bal tàm broă lời ing rài lài do, wèt rài tơnơ̆ do. Ồng Pete Hegseth đơs sùm gơnoar atbồ bơh Kwang atbồ lơgar Mỹ ồng Donald Trump sền kwơ mờ đơs niam bơta git gơ̆p lơh broă bal mờ lơgar Việt Nam; kơ̆p kờñ tàm tơngai tus pơn jăt tai lơh pràn kơl dang rơlao tai bơta git gơ̆p lơh broă bal đah lơgar Việt Nam mờ lơgar Mỹ đơs bal mờ bơta git gơ̆p lơh broă bal gah ling klàng đah bàr lơgar đơs is; bơh ală tơngu me neh ring bal, tàm hơ̆ bơta tờm là lơh broă bal bơsong bơta hoàc huơr bơh rài tam lơh dê.