Mờ tơngume “Ơruh pơnu lam lài, dong kờl is tài rài kis mpồl bơtiàn” uă broă lơh geh bơyai lơh dồ ròt bal tàm jơh gùt càr bè Ngai Rlô tơlir, ngai lơh uă dong kờl is bơt bơtàu tơnguh tiah drà jak chài, ai cau lòt lơh broă ală mpồl tam gơl sồ drơng broă mpồl bơtiàn. Tơrgùm ală mpồl Ơruh pơnu Việt Nam càr Dăk Lăk pà gĭt, bơh 3 poh lam lơh ală broă lơh nhai Ơruh pơnu, neh geh mờr 220 mpồl dong kờl is, lơh rlau 200 broă lơh bơt bơtàu, bơnah broă tàm ală ù tiah làng bol ơm kis. Mờr 160 mpồl Jơh gùt làng bol bơsram sồ geh tơnggơs, tus bal dong kờl bơto bơtê bơta chài sồ ai làng bol in.

Ơruh pơnu jơh gùt càr kung pơgồp bal priă jền, ngai lơh broă lơh 25 nơm hìu tàm broă lơh tàm sơm bat tê bal tơn jơh hìu lơh ing, hìu ồm sèt ñhat dà mìu. Bal mờ hơ̆, rơnàng kơnòm să jơh gùt càr neh lam lơh Jơnau lơh nền tàm pơrjum sồ 57 bơh Ƀộ Cíñ trị dê bè bơtàu tơnguh jak chài, măi mok, tam gơl pa mờ tam gơl sồ Dà lơgar.