Rơndăp broă lơh geh bơta pràn mut lơh 1 rơbô 900 khối dùl ngai mang, drơng pơgăp 2 rơbô 900 hìu bơnhă làng bol, bơh Cíñ phủ Hàn Quốc dong kờl, lơh tàm ƀòn drà dờng Buôn Hồ, càr Dăk Lăk. Jat tơngume sră nggal cih kah, Cíñ phủ Hàn Quốc rơ̆p dong kờl ờ tơm wơl 9 tơlak 200 tơlak dolar Mỹ mờ Cíñ phủ Việt Nam tă pơgồp bal 760 rơbô dolar Mỹ nàng lơh jat rơndăp broă lơh Ală rbòng yuh dà mờ bơsong dà tuh sơrbì tiah drà tàm ƀòn drà dờng Buôn Hồ, càr Dăk Lăk.

Ồng Nguyễn Thiên Văn, Phó Củ tịc Anih duh broă Làng bol càr Dăk Lăk pà gĭt, rơndăp broă lơh neh geh KOICA lòt sền bơh sơn rờp mờ geh Cíñ phủ Hàn Quốc kĭ bơh nam 2024. Ală sră nggal lòt sền, lơh broă rơndăp lơh geh lam lơh nền nòn bơh bồ nam do neh dong 2 gah lòt tus ring bal gùng dà broă lơh lơh broă bal, gàr niam ngui priă bơcri di jơnau kờñ, geh cồng nha, lơh geh jơnau kờñ bơtàu tơnguh kơ̆ kơl jăp bơh tiah do dê.