Dăk Lăk kơlôi jơnau jun rò 1 rơbô nă kwang bàng, kông cứk bơh Phú Yên tơnơ̆ tŭ tơmut bal
Thứ hai, 10:20, 14/04/2025
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho– Lài mờ jơnau sồr rơndăp tăp sèng wơl mpồl lơh broă sră nggal gơnoar atbồ kấp càr, rơ̆p geh 1 rơbô nă kwang bàng, kông cứk tàm càr Phú Yên đi rơndeh lòt tus càr Dăk Lăk lơh broă tàm tŭ 2 càr do tơmut bal.
Anih duh broă Làng bol càr Dăk Lăk gam lơh broă rơndăp lơh jun rò, gàr niam broă ntrờn lòt rê geh ƀuơn ngan, lơngăp lơngai mờ di tŭ. Tŭ do tàm ù tiah 2 càr geh kờp jơh pơgăp 150 nơm rơndeh drơng broă dà lơgar (tàm hơ̆ Dăk Lăk geh 90 nơm rơndeh, Phú Yên geh pơgăp 60 nơm rơndeh) bal mờ mờr 80 nơm rơndeh digơlan apah bơh ală mpồl lơh sa kă bro jun pơndiang.
Kờp dŭ priă jền apah rơndeh jun pơndiang digơlan tơrgùm ai pơgăp 616 nă cau (ndrờm mờ 70% kờp jơh khà kwang bàng, kông cứk), kờp dŭ pơgăp 1 tơmàn đong pah nhai. Priă lơh kờp dŭ bơh kes priă càr, Dà lơgar dong kờl, bal mờ bơta rcang is bơh kwang bàng ờ geh jơnau kờñ lòt rê sùm.
Viết bình luận