Tàm hơ̆, broă pơn jăt tai lơh jăt Jơnau lơh nền tàm pơrjum 18 bơh Mpồl Duh broă Đảng Dà lơgar dê bè “Bàr pe broă bè pơn jăt tai tam gơl pa, rơndăp tăp sèng rơndăp mpồl lơh broă bơh ală anih lơh broă cíñ trị dê tơrmù dipal lơh geh gơtùi mờ geh cồng nha” dờp geh bơta sền gròi is ồn  ngan. Bal mờ ală cồng nha lơh geh tàm lơh jăt Jơnau lơh nền tàm pơrjum 18, ală cau ala măt kung yal ală kal ke, gơkòl tàm ală tŭ lơh jăt. Bàr pe jơnau đơs đơs là, broă rơndăp tăp sèng mpồl lơh broă neh gơrềng tus nùs nhơm bồ tơngoh kwang bàng, đảng viên, kông cưk, viên cưk dê.

Mơkung lơh gơlik geh bơta lơyài ngan ngồn tàm broă lơh, gơrềng tus broă lơh jăt kơnòl broă bơh ală anih lơh broă, mpồl lơh broă. Ƀí thư Tỉñ ủy càr Dăk Lăk ồng Nguyễn Đình Trung đơs sùm, tơnơ̆ tŭ lời kâp kơnhoàl, kâp sàh rơ̆p àñ ơnòng uă kơnòl broă rlau, gơ sồr broă lơh rơndăp tăp sèng kwang bàng pal lơh broă gơtùi mờ geh cồng nha.