Tàm Pơrjum Mpồl Duh broă Đảng ƀộ càr Dăk Lăk ngai 24/04, ală cau ala măt neh ai jơnau đơs bè broă rơndăp tăp sèng, tơmŭt bal mpồl lơh broă sră pơ àr gơnoar ătbồ mờ bàr pe tơnggume kwơmàng ndai. Jăt ală jơnau neh lơh nền, Dăk Lăk rơ̆p gơmù bơh 180 gơmù gam 68 mpồl lơh broă sră pơ àr gơnoar ătbồ kâp sàh, lơh geh khà 62,22% jăt jơnau sồr Jơnau lơh nền tàm pơrjum 60 Dà lơgar dê. Is ƀòn dờng Buôn Ma Thuột rơ̆p rơndăp tăp sèng gam 5 sơnah ƀòn mờ 1 sàh. Pơrjum kung ring bal ală jơnau neh lơh nền tơmŭt bal càr Dăk Lăk mờ Phú Yên, tơnggơs càr pa gơ wèt Dà lơgar, mờ tiah tờm lơh sră pơ àr gơnoar ătbồ ơn tàm càr Dăk Lăk.

Tơnơ̆ tơmŭt bal, mpồl lơh broă sră pơ àr gơnoar ătbồ pa geh rlau 18 rbô kơi sồ vuông bă ù, khà kờp làng bol rlau 3 tơlak 300 rbô nă cau mờ 102 mpồl lơh broă kâp sàh. Jơnau đơs pơndŭt pơrjum, Ƀí thư Tỉñ ủy càr Dăk Lăk ồng Nguyễn Đình Trung sồr ală sờh, gah càr Dăk Lăk dê pơgồp bal niam mờ Phú Yên nàng lam lơh jăt gơtùi ală jơnau neh lơh nền, is ồn là broă rơndăp anih lơh broă, rơndeh rơndồ mờ anih ơm ai kwang bàng Phú Yên ntrờn lơh broă rê càr Dăk Lăk.