Pơrjum neh yal Jơnau lơh nền tơnggơs Mpồl pơgồp bal 2 càr lơh jat Ală Jơnau neh lơh nền rơndăp tăp sèng mpồl lơh broă sră nggal gơnoar atbồ càr Dăk Lăk mờ càr Phú Yên; tă pơgồp jơnau đơs bè Jơnau rcang cih Ală Jơnau neh lơh nền rơndăp tăp sèng mpồl lơh broă sră nggal gơnoar atbồ kấp càr; sền sơ wì tă pơgồp jơnau đơs bè jơnau pal jat, pơlam gùng dà rơndăp tăp sèng mpồl lơh broă, cau lơh broă; gùng dà broă lơh bơt bơtàu phan bơna gùng lòt rê, ai rơndeh rơndồ lơh broă, broă lơh dong kờl ai kwang bàng, kông cứk, viên cứk in...

Ală cau ala mat 2 càr sền bal ring bal ală tơngume tàm Ală Jơnau neh lơh nền. Bè broă lơh ai rơndeh jun rò mờ hìu ơm ai kwang bàng, kông cứk bơh Phú Yền in tus lơh broă tàm càr Dăk Lăk, ală cau ala mat đơs là pal apah niam halà dong kờl nàng tơl nă cau in rcang lài niam rlau.