Nam 2026, càr Dăk Lăk geh jàu broă rơndăp lơh bơcri priă dà lơgar mờr 10 rbô 500 tơmàn đong, mơya kờp tus lồi nhai 6, jơh gùt càr rơ̆p pa ai geh rlau 3 rbô tơmàn đong, ết rlau khà kờp bal jơh gùt lơgar dê. Jơnau bơh tài gơbàn mìng là tài bơh uă rơndăp broă lơh tờm kwơmàng gam gơkòl broă lơh sờr ntrờn măt ù; jơnau ờ tơl ir phan ngui bơ̆t bơtàu mờ giă xăng zờu gơguh jơnhoa kung gơrềng tus tơngai pơrgon lơh bơh ală cau tờm lơh broă dê…

Lơh mhar tơngai pơrgon ai priă bơcri dà lơgar nam 2026, Anih duh broă Làng bol càr Dăk Lăk gam lam lơh uă broă lơh bơsong kràñ cê jơh nùs. Bơh ngai 1/7, càr rơ̆p lơh jăt sền swì KPI, tàm hơ̆ cau lam bồ ală sờh, gah mờ ƀòn lơgar rơ̆p gơtìp sền swì lơh glài kơnòl bè cồng nha lơh jăt kơnòl broă jăt jơnau sồr.