Ơdŭ bơto pơlam gơhòi gơ jà bơta tus bal bơh gal ngan ala măt ală mpồl lơh broă bal dê, bơta bơto pơlam bơh ală cau gĭt wă jrô tàm broă marketing, sơnđờm mŭt lơh broă tam gơl pa bơceh lơh dà lơgar. Ồng Lê Văn Dần, Phó Củ tịc Mpồl tam klăc Mpồl lơh broă bal càr Dăk Lăk pà gĭt, ơdŭ bơto pơlam do là dùl tàm ală broă lơh kwơmàng nàng kờñ dong kờl ală mpồl lơh broă bal tơngguh uă pràn jak tàm pơrlòng, bơtàu tơngguh kơ̆ kơl jăp, mờ pơgồp bơnah đơs nền anih ơm bơh kơphê Dăk Lăk dê tàm drà kă bro tàm lơgar mờ ală lơgar.

Tàm tơngai tus, Mpồl tam klăc bal rơ̆p pơn jăt tai pờ ală ơdŭ bơto, bơto pơlam bơsram kơlôi sơnơng jrô bè ală broă lơh krơi is nàng lơh geh jơnau kờñ bơtàu tơngguh bơh ală mpồl lơh broă bal dê tàm ù tiah càr.