Bơh kờp sền, tàm ù tiah ƀòn dờng Buôn Ma Thuột tŭ do geh 35 nơm hìu ơm gơwèt phan bơna dà lơgar dê, geh bal hìu năc, tiah ơm bal cau bơsram dờng, hìu ơm cau lơh broă dà lơgar, hìu lơh broă yau... gơtùi ngui mơ, lơh geh tiah ơm kis ai pơgăp 363 nă kwang bàng. Tàm khà do geh Hìu năc Tỉñ ủy, tiah ơm bal cau bơsram dờng bơh Hìu bơsram Đại họk Tây Nguyên, Kao đẳng Sư Phạm mờ Kao đẳng Dăk Lăk.

Mơya, mờ jơnau kờñ pơgăp 1 rơbô nă kwang bàng, càr kung gam ờ tơl tiah ơm ai pơgăp 637 nă cau in. Anih duh broă Làng bol càr sồr ai ngui tai Hìu bơsram Kao đảng Dăk Lăk (sồ 30 gùng Y Ngông) mờ Mpồl đơng lam Ling klàng càr (sồ 08 gùng Mai Hắc Đế), tơnguh bơta pràn geh tiah ơm ai 379 nă cau in, kung gam ờ tơl 258 tiah ơm tai. Kờp jơh priă lơh niam wơl, lơh kơnhăp, blơi phan bơna măi mok ai 37 tiah ơm do in là rlau 85 tơmàn đong, ai bơh kes priă càr, kes priă Dà lơgar dong kờl (dilah geh) mờ priă mpồl bơtiàn lơh bal.