Ngai òr (06/05), Anih duh broă làng bol càr Dăk Lăk geh Sră nggal pơyua sồr ală sờh, mpồl, gah broă lơh mờ gơnoar atbồ càr sơlơ lơh kràñ broă lơh lài, lơh jat jơnau pal jat lơh broă sră pơ àr gơnoar atbồ, tam gơl nùs nhơm lơh broă tàm tŭ tơngai lam lơh rơndap tap sèng ală mpồl lơh broă sră pơ àr gơnoar atbồ kâp kơnhoàl, kâp sàh. 

Broă lơh do geh lơh tàm tŭ tơngai tàm uă dơ̆ pơrjum rềp ndo bơh Tỉñ ủy mờ Anih duh broă làng bol càr dê, bơta kwang bàng, kông cứk tàm bàr pe tiah kâp kơnhoàl, kâp sàh geh tềl tơnggŏ ờ geh bơta ring bal tàm dơlam is, ờ sền gròi broă lơh, geh nùs nhơm kơp tơmut bal neh geh kwang đơng lam bồ càr đơs loh mờ tơngkah lài kràñ ngan. Bàr pe tiah gam geh bơta pleh kơnòl, ờ bài tă pơgồp jơnau đơs, geh jơnau sồr lơh broă, lơh gơ rềng tơn tus tơngai rơcang lài mờ bơta niam lơh broă bơh ală mpồl dê tơnơ̆ tŭ tơmut bal. Tềng đap bơta geh ngan do, Anih duh broă làng bol càr Dăk Lăk sồr ală anih lơh broă, mpồl lơh broă tơrgùm bơsong jơh broă gam wơl, lơh bè lơi nàng mpồl cau lơh broă sră pơ àr gơnoar atbồ pa lơh broă niam, geh cồng nha bơh chờm tơn.