Jat hơ̆, Pơrjum sền sơwì sră yal bơh Mpồl Lơh kơnòl broă sùm Tỉñ ủy càr dê bè broă tam gơl niam rơndăp tăp sèng Mpồl Lơh kơnòl broă sùm Tỉñ ủy càr Dăk Lăk tơngai lơh broă bơh nam 2020 - 2025, Ală jơnau neh lơh nền tơrgùm bal rơndăp tăp sèng, ai kwang bàng gơwèt Mpồl Lơh kơnòl broă sùm Tỉñ ủy càr atbồ bơh ală anih lơh broă, mpồl lơh broă tơnơ̆ tŭ rơndăp tăp sèng, tơrmù mpồl cau lơh broă tàm ală anih lơh broă cíñ trị càr dê.

Tàm pơrjum, ală cau ala mat cribơyai bè Ală jơnau neh lơh nền bơtơl broă rơndăp lơh bơtàu tơnguh lơh sa- mpồl bơtiàn nam 2025, mờ jơnau kờñ lơh geh khà gơguh lơh sa rlau 8% mờ lùp dồs priă dia Dà lơgar gơguh ết ngan rlau jơh 10% pơndrờm mờ nam 2024; Ală jơnau neh lơh nền tơn jơh broă lơh bơh ală đảng đoàn, mpồl đơng lam đảng, Mpồl sền gàr dong kờl pràn kơl dang să jan kwang bàng càr, Đảng ƀộ Mpồl ală anih lơh broă mờ mpồl lơh sa kă bro càr dê; cribơyai bè broă tơnggơs Đảng ƀộ ală anih lơh broă mờ mpồl lơh sa kă bro càr, Đảng ƀộ ală anih lơh broă Đảng càr mờ Đảng ƀộ Anih duh broă càr gơ wèt Tỉñ ủy càr dê.