Dăk Lăk tơlik mat Mpồl hòi jà Kă bro phan mờ Bơcri priă
Thứ sáu, 10:23, 26/06/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Mho ngai 25/6, tàm sơnah ƀòn Tuy Hoà, Mpồl hòi jà Kă bro phan mờ Bơcri priă càr Dăk Lăk ngan ngồn tơlik mat, lơh tềl broă lơh bơtàu tơnguh kwơ màng tàm broă tàm tơrbŏ bal ală mpồl lơh sa kă bro, cau bơcri priă mờ ală cau lơh broă bal tàm lơgar mờ bơdìh lơgar, pơgồp bơnah sơlơ tơnguh tai broă lơh kă bro phan, bơcri priă mờ bơtàu tơnguh lơh sa kơnhăp kơ̆ bơh càr dê.
Mpồl Hòi jà Kă bro phan mờ Bơcri priă càr Dăk Lăk tơngai lơh broă bơh nam 2026 – 2031 geh 232 nă cau tàm mpồl là đơng lam ală mpồl lơh sa kă bro lơh broă tàm uă gah broă bè lơh gơlik phan lơh geh bơh broă lơh sa suơn sre, phan brê, phan tàm dà; logistics; lòt nhơl, drơng broă; măi mok yal tơngĭt jơnau; lơh sa mờ măi mok đèng; lơh gơlik măi mok; tàñ mai; lơh gơlik dơm chi; phơng sih.
Tơnơ̆ dơ̆ tơlik mat, Mpồl neh bơyai lơh Pơrjum dờng dơ̆ I. Ồng Trần Quốc Hà, Kwang lam bồ Kông ty TNHH Việt Thắng, geh pin dờn pồ at gơnoar broă Chủ tịch Mpồl dê.
Viết bình luận