Ală jơnau lơh nền bè broă lơh rơndăp mpồl lơh broă mờ kwang bàng tờm ngan neh geh Tỉñ ủy càr Dăk Lăk ngan ngồn yal tàm drim ngai 20/02. Mùl màl, Mpồl Duh broă Đảng ƀộ càr Dăk Lăk neh yal jơnau lơh nền bè broă tơn lơh broă ală đảng mpồl, mpồl đảng; Mpồl Sền gàr triang gàr pràn kơldang să jan kwang bàng càr, Đảng ƀộ Gah ală anih lơh broă mờ mpồl lơh sa kă bro càr; Jơnau lơh nền tàm pơrjum Mpồl duh broă Làng bol càr dê bè broă tơn lời lơh broă Sờh Broă lơh mờ lơgar ndai; ală jơnau lơh nền rê rlô lơh broă lài mờ sơnam ai rê rlô gơ wèt mờ 2 nă oh mi Kwang bàng Mpồl Lơh kơnòl broă sùm Tỉñ ủy càr, bàr pe nă kwang bàng đơng lam Đảng ủy Gah ală anih lơh broă, mpồl lơh sa kă bro càr, bal mờ đơng lam bàr pe sờh, mpồl, gah, mpồl lơh broă kâp càr. Jăt hơ̆, mò Huỳnh Thị Chiến Hoà, Phó Ƀí thư Duh broă sùm Tỉñ ủy càr, Củ tịc Mpồl duh broă Làng bol càr geh sồr lơh Ƀí thư Đảng ƀộ ală anih lơh broă Đảng càr; ồng Phạm Ngọc Nghị, Phó Ƀí thư Tỉñ ủy càr, Củ tịc Anih duh broă Làng bol càr geh sồr lơh Ƀí thư Đảng ủy Anih duh broă Làng bol càr.

Tàm pơrjum, ồng Nguyễn Đình Trung, Ƀí thư Tỉñ ủy càr Dăk Lăk cih dờp mờ jờng rơ bơta jơh nùs, nùs nhơm geh kơnòl bơh ală anih lơh broă, mpồl lơh broă dê tàm broă lam lơh ală jơnau lơh nền rơndăp tăp sèng tơrmù dipal mpồl lơh broă.