Tàm dơ̆ tìp măt đơng lam bồ Tỉñ ủy càr Dăk Nông neh yal mờ cau ala măt cau geh bồ tơngoh jak, cau cih jơnau đơs crih tam ya, cau lơh ƀăo in bè ală broă lơh geh pơnrơ ngan bơh càr dê bơh bồ tơngai lơh broă tus tŭ do. Tiah bơcri priă kă bro geh lơh niam, sơñio khà pràn jak tàm pơrlòng kâp càr sùm gơguh khà; nam lài PCI Dăk Nông săp ơm dơ̆ 21 tàm 63 càr, ƀòn dờng, lam bồ kơnhoàl ù tiah Tây Nguyên.

Di dơ̆ do, Tỉñ ủy càr Dăk Nông neh jàu 34 khà jờng bơceh cih, yal tơnggĭt uă ală jơnau cih, đơs crih tam ya, sră ƀăo bal mờ tơnggume “Bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh” dê ai ală mpồl cau, cau dồ nă să is jak ngan in. Tàm hơ̆ tàm khà cau dồ nă să is, geh 4 jơnau cih geh khà A, 5 jơnau cih geh khà B, 8 jơnau cih geh khà C mờ 12 jơnau cih lơh geh khà Pơn jờng.