Dơ̆ lòt còp bơh Thủ tướng ồng Phạm Minh Chính neh lơh geh ală cồng nha kwơ màng, ai bơta gĭt gơ̆p lơh bơyô bal ờs mờng đah Việt Nam mờ Ba Lan, Czech mờ Thụy Sĩ tus tơngai bơtàu tơnguh pa, tơnguh gơnoar broă bơta gĭt gơ̆p, sơlơ tơnguh tai bơta pin dờn cíñ trị. Thủ tướng ồng Phạm Minh Chính neh geh rlau 30 dơ̆ pơrjum bơyai, tìp mat kấp dờng, đơs gùng dà broă lơh, tus bal Cribơyai mpồl lơh sa kă bro, tus bal broă lơh “Nam pa ƀòn lơgar tờm”, còp bàr pe anih niam chài, jak chài- măi mok tàm ală lơgar.

Tàm rlau 30 jiơ tàm Davos, Thủ tướng ồng Phạm Minh Chính neh geh dùl broă lơh uă ngan mờ uă broă lơh uă lơgar mờ đah 2 lơgar. Thủ tướng ồng Phạm Minh Chính, đơng lam bồ uă Ƀộ, gah broă mờ ală tiah neh đơs mờ tơm bơh bơr mờ uă Tập đoàn lam lài tàm 5 dơ̆ pơrjum bơyai tàm uă gah broă tờm, bơh măi mok pa, bồ tơngoh kòn bơnus lơh gơlik is tus phan lơh sơnơm, phan bơna bơt bơtàu ngăc ngar, năng lượng tơlir mờ anih tờm priă jền.