Ala mat đơng lam Đảng, Dà lơgar jơh nùs jàu Sơlòng Sền gàr Dà lơgar tờm khà 1 pà ai Mpồl ling Pháo Binh- Phàu ồs in, ồng Tô Lâm, Tổng Bí thư, Chủ tịch lơgar gờm chờ ală cồng nha lơh is is ồn jak ngan bơh Mpồl ling Pháo binh- Phàu ồs dê.

Ồng Tô Lâm- Tổng Bí thư, Chủ tịch lơgar sồr, tơngai tus, jơh gùt mpồl ling Pháo binh - Phàu ồs tơrgùm lơh jat niam ngan 5 mpồl kơnòl broă, tàm hơ̆ tơrgùm bơt bơtàu mpồl ling kơ̆ pràn bè chính trị, bồ tơngoh mờ rơndăp broă; jơh nùs dòn song ngan mờ Đảng, Dà lơgar tờm mờ Làng bol; pal lơh jat niam ngan “2 nùs nhơm kơ̆ ngan, 2 lơh pràn, 2 kơryan lài” mờ gùng dà broă lơh “5 pràn” , bơt bơtàu chính trị kơ̆, duh rơngòt kơrnoat boh lam, măi mok kơ̆, bơta chài ling klàng kơ̆, rài kis mpồl ling kơ̆. Bơt bơtàu Anih duh broă Đơng lam Đảng Bộ đơng lam Pháo binh – Phàu ồs sàng goh, kơ̆ pràn pơn rơ ngan; anih lơh broă, mpồl lơh broă kơ̆ pràn tơl làm “lam lài, pơn rơ jak”, tam klăc dùl nùs bal, duh rơngòt kơrnoat boh lam niam, lơh sir jak ngan tơl kơnòl broă.