Tàm broă lơh kah yau geh sền là broă lơh kwơ màng tàm rơndăp tăp sèng, tơrmù di pal ală mpồl lơh broă cíñ trị bơh lơgar Việt Nam dê, Tổng Ƀí thư ồng Tô Lâm tus bal dơ̆ yal ală Jơnau lơh nền tàm ƀòn dờng Hồ Chí Minh. Củ tịc lơgar ồng Lương Cường tus bal Dơ̆ yal tàm càr lơgar Hà Nội. Củ tịc Quôk hội ồng Trần Thanh Mẫn tus bal Dơ̆ yal tàm ƀòn dờng Cần Thơ. Thủ tướng Cíñ phủ ồng Phạm Minh Chính tus bal Dơ̆ yal tàm ƀòn dờng Hải Phòng. Duh broă sùm Ƀan Bí thư ồng Trần Cẩm Tú tus bal Dơ̆ yal tàm ƀòn dờng Đà Nẵng.

Tàm dơ̆ yal, ală tiah neh yŭ rơyùm yal ală Jơnau lơh nền bè broă bơyai lơh ală anih lơh broă gơnoar atbồ ƀòn lơgar 2 kấp, mờ tơlik mat Đảng ƀộ, gơnoar atbồ pa tơnggơs.

Ală sră nggal geh yal, geh: Jơnau lơh nền tàm pơrjum bơh Quôk hội dê bè broă tơnggơs càr, ƀòn dờng; Jơnau lơh nền tàm pơrjum bơh Anih duh broă Lơh kơnòl broă sùm Quôk hội bè broă tơnggơs ală sàh, sơnah ƀòn, tiah is ồn gơwèt càr, ƀòn dờng.

Ală Jơnau lơh nền bơh Ƀộ Cíñ trị dê bè broă tơnggơs Đảng ƀộ càr, ƀòn dờng; Sồr Mpồl duh broă, Mpồl Lơh kơnòl broă sùm, Ƀí thư, Phó Ƀí thư, Anih duh broă sền sơ wì ală Tỉñ ủy càr, thàñ ủy ƀòn dờng.

Jơnau lơh nền tàm pơrjum bơh Anih duh broă Lơh kơnòl broă sùm Quôk hội bè broă sồr Củ tịc, Phó Củ tịc Mpồl duh broă Làng bol; Lam bồ ală Mpồl bơh Mpồl duh broă Làng bol càr, ƀòn dờng; Lam bồ Mpồl, Phó Lam bồ Mpồl cau ala mat Quôk hội càr, ƀòn dờng.

Jơnau lơh nền bơh Thủ tướng Cíñ phủ dê bè sồr Củ tịc, Phó Củ tịc Anih duh broă Làng bol ală càr, ƀòn dờng. Jơnau lơh nền bơh Anih duh broă Mặt trận Dà lơgar Việt Nam tơnggơs Anih duh broă Mặt trận Dà lơgar ală càr, ƀòn dờng.

Jơnau lơh nền bè broă tơn jơh lơh broă ală Đảng ƀộ kấp kơnhoàl, kấp sàh (yau).

Jơnau lơh nền tàm pơrjum bơh Anih duh broă Lơh kơnòl broă sùm Quôk hội bè broă tơnggơs ală sàh, sơnah ƀòn, tiah is ồn gơwèt càr, ƀòn dờng.

Jơnau lơh nền bơh Mpồl Duh broă Đảng ƀộ càr, ƀòn dờng bè tơnggơs Đảng ƀộ ală sàh, sơnah ƀòn, tiah is ồn; Ală Jơnau lơh nền bè broă sồr kwang bàng đơng lam Đảng ủy, Mpồl duh broă Làng bol, Anih duh broă Làng bol ală sàh, sơnah ƀòn, tiah is ồn.