Tàm tơl mpồl lơh sa kă bro tus còp, mpồl lơh broă neh iăt yal bè broă lam lơh sa mờ ală broă lơh bơh ală mpồl lơh sa kă bro dê. Ală đơng lam bồ jờng rơ ngan ală cồng nha lơh geh tàm broă pơgồp bal đah kơnòl broă lơh sa mờ sền gàr dà lơgar, kung bè broă lơh lơh sa bơh ală mpồl lơh broă dê. Is ồn, ală mpồl kung tơlik nùs nhơm kơ̆p kờñ ală mpồl lơh sa kă bro pơn jăt tai bơcri priă rề ơnàng lơh sa, tơngguh uă bơta niam tiah tam phan, lơh rơ̆ ru phan bơna, rề ơnàng drà kă bro mờ tơngguh uă priă lơh geh ai cau lơh broă in. Đơng lam bồ càr Dăk Lăk đơs nền rơ̆p sùm ai tơl ală bơta ƀươn tàm tơnggme kơrnoăt boh lam nàng ală mpồl lơh sa kă bro in bơtàu tơngguh.

Đơs tàm Kông ty Bơcri priă bal Ƀièr Sài Gòn- Tiah tàm gùl lơgar, ồng Nguyễn Tuấn Hà, Phó Củ tịc Duh broă sùm Anih duh broă Làng bol càr Dăk Lăk, đơs sùm jơnau kờñ bơh càr dê tàm tơngai tus là lơh ngan lơh geh gơguh tai bàr nơm khà jăt jơnau sồr bơh Thủ tướng Cíñ phủ dê. Nàng lơh geh bơta do, càr kờñ bơta tơrgùm tê bal mờ lơh ngan bơh ală mpồl lơh sa kă bro dê lòt bal mờ càr lơh jăt broă rơndăp lơh bơtàu tơngguh lơh sa- mpồl bơtiàn geh jàu.