Ồng Trần Cẩm Tú, Kwang geh jơng Ƀộ Chính trị, Duh broă sùm Mpồl đơng lam Đảng Dà lơgar, Ƀí thư Đảng ủy ală anih lơh broă Đảng Dà lơgar đơng lam Pơrjum. Ală cau ala mat cribơyai jơnau yal cồng nha broă lơh nhai 8, kơnòl broă tờm nhai 9; tơngai hơ pơrgon bơt bơtàu phần mềm atbồ broă mờ sền swì kwang bàng tàm Đảng bộ. Pơrjum kung ai jơnau đơs bè broă rơndap lơh lơh jat 5 jơnau lơh nền tàm pơrjum mờ 1 jơnau sồr Ƀộ Chính trị dê; ală broă lơh tơnguh bơta niam pơrjum chi ƀộ jat Jơnau sồr sồ 50 Mpồl đơng lam Đảng Dà lơgar dê.

Tàm nhai 9, Đảng ủy ală anih lơh broă Đảng Dà lơgar tơrgùm rơcang drơng Pơrjum Đảng Dà lơgar dơ̆ 4, khoă XIV; lơh mhar tam gơl sồ tàm Gah rơndap broă bơt bơtàu Đảng; lơh kloh, lơh niam jơnau yal tơnggit đảng viên, lơh sồ sră nggal mờ lam lơh 4 sră pơ àr gơnoar atbồ Đảng dê tàm điện tử. Mờ kung pơn jat tai ngui sră cih mờ tê đảng viên điện tử mờ kơlôi sơnơng lam lơh broă rơndap lơh sền swì, pà sơlòng Đảng tàm phần mềm Anih yal jơnau tơngit Đảng viên 4.0.