Broă lơh do neh hòi jà geh rơlao 200 nă kơnòm dềt geh pơnrơ jăk ala măt rơlao 467 rơbô nă kơnòm dềt tus bơh 17 kơnhoàl, ƀòn drà dờng, ƀòn dờng tàm càr Gia Lai tus bal.

Tàm dơ̆ boh bơr, geh uă kơnòm bơsram neh tơlik nùs nhơm mờ pơgồp uă jơnau đơs bè ală bơta tam lơh tàm hìu bơsram, lơngăp lơngai tàm internet mờ bơta di gơlan gơtìp aniai bơh broă lơh is phăo pơ-àr. Ală kơnòm dềt kơlôi rơcang tềng đăp mờ bơta gơtìp pơrlồm, sơgràm tàm internet kung bè ală bơta gơrềng ờ niam bơh broă ngui phăo bơrtoh. Bơdìh hơ̆ tai, ală bơta kal ke tàm broă bơsram sră, ờ tơl ƀlàng nhơl tàp pràn să jan mờ broă kờñ geh pơlam nùs nhơm tàm hìu bơsram kung là ală tơngu me geh ală kơnòm bơsram sền gròi. Ală bơta kơnòm bơsram càr Gia Lai đơs tàm dơ̆ boh bơr, neh geh ală sờh, gah lơh broă tàm càr iăt mờ geh jơnau hơ wơl mùl màl. Ồng Rah Lan Chung, Củ tịc Anih duh broă làng bol càr Gia Lai đơs tờm, rơ̆p ai tơl ală bơta niam gơdờp bal, sồr ală kấp, gah lơh broă, geh gùng dà broă lơh mùl màl di pal mờ jơnau kơ̆p kờñ bơh kơnòm bơsram dê.