Đơs pơndŭt, ồng Tô Lâm, Tổng Bí thư, Chủ tịch lơgar đơs sùm 6 kơnòl broă tờm kờñ pal tơrgùm lơh jăt, tàm hơ̆ pal bơsong jơh ală kơnòl broă rlau tơngai pơrgon, ală anih gơkòl neh geh ai tơnggĭt; nùs nhơm là anih lơh broă lơi đơng lam pal kong kơnòl tus lồi dŭt bè tơngai pơrgon lơh, bơta niam phan bơna. Ồng sồr, lơh pràn bơtàu tơngguh ală jơnau yal mờ ală bơnàng jă ngui bal, lơh gơlik geh bơta kwơ ngan ngồn ai anih lơh broă, mpồl cau, làng bol, mpồl lơh sa kă bro in, lơh gơgơs drà kă bro ală jơnau yal tơnggĭt, pơgồp bơnah lơh pràn lơh sa sồ mờ pơgồp bơnah gơguh tai ai rài lơh sa in.

Ồng Tô Lâm, Tổng Bí thư, Chủ tịch lơgar is ồn tơngkah, pal gàr kơ̆ kơl jăp ngan lơngăp lơngai internet, niam lơngăp lơngai jơnau yal mờ sền gàr ală jơnau yal tơnggit dà lơgar, tài bơh mùl màl pà gŏ tam gơl sồ sơlơ jrô ơnàng làm uă den pơhìn roh niam lơngăp lơngai jơnau yal, gơtìp cau gĭt ală jơnau yal tơnggĭt, lơh aniai internet, cau tìs internet, jơnau yal ờ ngan, iơh ờ niam sơlơ gơguh tai. Ồng đơs loh jơnau lơh nền lơh geh cồng nha tàm tơngai tŭ do là lơh glài lơh jăt, nùs nhơm khin kơlôi, khin lơh, khin kong kơnòl mờ kơnòl lơh krơh bơh cau lam bồ dê.