Sră dờp sền gàr dong kờl mat kă bro mpồl bal “Sầu riêng Krông Búk” geh lơh jat ngan ngồn 10 nam. Do là ală adat boh lam lơh geh bơnàng jă nàng kơnhoàl in pơn jat tai bơtàu tơnguh mat kă bro mờ tơnguh uă bơta kwơ phan bơna sầu riêng bơh tiah do in. Dăk Lăk neh sền gĭt 7 tiah tam sầu riêng. Krông Búk là mpồl lơh broă dơ̆ 4 lơh mat kă bro sầu riêng mpồl bal. Hơ̆ kung là bơnàng jă ai pơlam gùng dà tàm rài tơnơ̆ do càr Dăk Lăk in rơ̆p bơt bơtàu mat kă bro sầu riêng Dăk Lăk tàm drà kă bro.

Bơdìh mờ kơnhoàl Krông Búk, 3 kơnhoàl ndai tàm càr Dăk Lăk geh mat kă bro sầu riêng mpồl bal là Krông Pách, Cư M’gar mờ Krông Năng. Ồng Hoàng Kiên Cường, Củ tịc Anih duh broă Làng bol kơnhoàl Krông Búk, càr Dăk Lăk pà gĭt: broă dờp mat kă bro rơ̆p pơgồp bơnah ai broă yờ tơnguh uă kơnòl bơh cau tam phan dê lơh geh jơnau sồr bơh drà kă bro.