Tàm khà mờr 2 rbô 900 nă ơruh pơnu lơh jăt kơnòl pal lơh broă ling klàng tàm càr Gia Lai nam do, geh 2 rbô 400 nă cau rơ̆p lơh jăt kơnòl pal lơh broă ling klàng tàm ală mpồl lơh broă bè Ling mpồl 34, Ling tiah 5, mpồl ling Rơcăng gàr kơlwàng trồ- Ling rơndeh par (Ƀộ Ling klàng), Cau ling Sền gàr tiah nhàr lơgar càr Gia Lai; mờ 469 nă ơruh pơnu rơ̆p lòt lơh kơnòl pal lơh tàm ală mpồl lơh broă gơ wèt Ƀộ Kwang àng. Pal sền ngăc, tàm dơ̆ lòt ling nam do, càr geh 36 nă ơruh pơnu là đảng viên.

Nàng rơcăng ai ngai chờ lòt ling in, ală tiah tàm càr neh pơgồp bal mờ ală sàh, ƀòn drà dềt bơyai lơh tìp măt, pà phan mờ pơndờm pơnđiang ală hìu bơnhă geh kòn gơkờn lòt ling; mơkung mblàng yal bè Adăt Kơnòl pal lơh broă ling klàng, dong tơngguh uă gĭt wă bơh làng bol mờ ơruh pơnu dê tàm sơnam lòt ling.