6 nhai bồ nam, lơh sa càr Gia Lai dê gơguh rlau 8%. Bơta pràn gơguh tai geh gàr tàm jơh bal pe kơnhoàl ù tiah lơh sa geh: Lơh sa mờ măy mŏk – bơ̆t bơtàu, drơng broă sa priă, broă lơh sa sươn sre, broă brê bơnơm. Tàm hơ̆, lơh sa mờ măy mŏk pơn jăt tai tam gơl niam, gơhòi gơ jà bơcri priă gơguh pràn mờ 165 rơndăp broă lơh, kờp jơh priă dan bơcri mờr 165 rbô tơmàn đong, uă rlau 3 dơ̆ pơndrờm bal dồ tŭ mờ nam lài. Rề dia geh rlau 16 rbô tơmàn đong, gơguh rlau 22%. Nàng lơh geh jơnau kờñ gơguh tai hơđăng 10%, Anih duh broă Làng bol càr Gia Lai gĭt nền bơcri priă dà lơgar kung gam sơl là gơn kơnờm kwơmàng tàm ală nhai lồi sơnam.

Ồng Phạm Anh Tuấn, Chủ tịch Anih duh broă Làng bol càr Gia Lai pà gĭt, broă ai priă bơcri dà lơgar kung neh geh bơta bơtàu tơngguh pa, tài bơh uă broă lơh bơ̆t bơtàu neh lơh sir bơnah broă, ơm kơ̆p lơh sir sră nggal tơm priă.