Jat hơ̆, Củ tịc Anih duh broă Làng bol càr Gia Lai, ồng Phạm Anh Tuấn sồr ală mpồl lơh broă lơh jat niam ală jơnau bơto pơlam bơh Dà lơgar mờ Ƀộ Priă jền dê tàm broă rơndăp tăp sèng, ngui geh cồng nha Anih lơh broă, gàr niam lơh broă sùm bơh gơnoar atbồ 2 kấp dê.

Broă bơsong jơ tài phan bơna gam jơng kah pal di mờ jơnau cih, pleh lơh hoàc huơr, pơhì pơhà; ờ gŏ di tăc anih lơh broă, phan bơna lơh broă Dà lơgar dê. Dilah ờ tơl bè anih lơh broă phan bơna, ală mpồl lơh broă gơtùi blơi bơtơl jat tơl jơnau sồr, mơkung lài ngan là lơh niam wơl, lơh pa wơl anih lơh broă yau nàng drơng lơh kơnòl broă. Anih duh broă Làng bol càr Gia Lai tơngkah broă gàr tơl phan bơna măi mok ai Anih tờm drơng broă sră pơ àr gơnoar atbồ Dà lơgar, bơta ơn prap sră nggal, hìu ơm Dà lơgar ai kwang bàng ntrờn lơh broă tơnơ̆ tơmŭt bal in.