Lơh jat “Broă lơh 500 ngai mang lơh pràn lơh jat broă lòt jòi, tơrgùm wơl mờ sền gĭt mat ƀồc ntìng cau ling chơ̆t màng”, tus ngai 30/6/2027, càr Gia Lai geh Ling tiah 5 jàu lòt jòi, tơrgùm 390 ƀồc ntìng cau ling chơ̆t màng. Mờ tiah do kung lơh jat broă ai mẫu ADN gơwèt mờ mờr 12 rơbô bơtô ƀồc cau ling chơ̆t màng ờ hềt gĭt muh mat.

Mò Nguyễn Thị Thanh Lịch, Phó Chủ tịch Anih duh broă Làng bol càr, Lam bồ Mpồl Sồr lơh lòt jòi, tơrgùm wơl mờ sền gĭt mat ƀồc ntìng cau ling chơ̆t màng càr Gia Lai pà gĭt, broă lam lơh geh cồng nha broă lơh ờ mìng pơgồp bơnah lơh jat broă lơh kis gĭt jơnau gĭt adat bơh Đảng mờ Dà lơgar dê lơm mờ gam lơh geh bơta kơ̆p kờñ di pal bơh gĭt nđờ rơbô hìu bơnhă gam kơ̆p ngan jòi wơl mat cau pròc mhàm neh chơ̆t phi să tài lơngăp lơngai is, khat gơboh bơh Dà lơgar dê.