Gia Lai gam mut tàm tơngai prang duh ngan, uă bă brê gam ơm tàm jơnau đơs lài kâp 5 là kâp ngòt rơngơt ngan. Ală cau tờm brê mờ ală tiah tàm càr kung gam lam lơh ală broă lơh rơcang lài kơryan dipal. Jat tơrgùm kờp, gùt càr Gia Lai tŭ do geh 286 tiah kuơmàng geh jơnau pơhìn ồs sa brê kâp 5, mờ bă brê rlau 124 rbô lồ, uă ngan là brê tam, brê geh is nha dờng mờ brê dơm chi dờng.

Ồng Trương Văn Nam, Atbồ cơldŭ atbồ sền gàr brê, Ci kụk lâm nghiệp sền gàr brê càr Gia Lai pà git, ală tiah mờ ală mpồl tờm brê gam lam lơh broă rơndap lơh rơcang lài kơryan ồs sa, jat broă rơndap lơh geh rơcang lài bơh bồ kàl prang.