Giă vĕ rơndeh pơndiang năc tàm Dăk Lăk gơguh rlau dồ dơ̆ mờ nggùl
Thứ sáu, 12:06, 24/01/2025
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Lài mờ tơngai Sa tềp bơhiàn Dà lơgar nam Ất Tỵ 2025, mpồl năc bơh càr Dăk Lăk lòt tus ală càr tàm tiah tàm gùl lơgar mờ tiah đah Tô Dà lơgar gam tơnguh uă nisơna, giă vĕ rơndeh kung neh gơguh rlau dồ dơ̆ mờ nggùl.
Blàng rơndeh càr Dăk Lăk tŭ do gam kĭ sră pơrgon tàm pà 180 nơm rơndeh bơh 35 mpồl lơh sa kă bro jun pơndiang, lòt tàm 24 gơl gùng lòt ală càr tiah tàm gùl lơgar mờ tiah đah Tô Dà lơgar. Bơh nhai 12 nam 2024 tơn, mpồl neh sồr jơh ală cau tờm mpồl lơh sa kă bro kĭ jơnau hơ lơh jat jun pơndiang năc mờ phan bơna jat di mờ jơnau sồr mờ ală Ƀộ Gùng lòt Jun pơdiang mờ Priă jền dê.
Ngan ngồn, gơwèt mờ ală gơl gùng càr Dăk Lăk lòt ală càr bơh Nghệ An lik, giă vĕ mờ phan bơna tơnguh ờ uă ir 50%; ală gơl gùng kờp bơh càr Hà Tĩnh mut, gơguh ờ uă rlau 40%. Tơngai lơh jat bơh ngai 17/1 – 10/2/2025 (hơ̆ là bơh ngai 18 nhai 12 tus ngai 12 nhai 1 nam he).
Viết bình luận