Broă gĭt nền gùng cơng tàng tàm pòt dà lềng Đah Tô Dà lơgar là kờñ lơh jăt gơnoar mờ kơnòl pal lơh bơh lơgar Việt Nam dê jăt ală jơnau ală jơnau cih bơh Jơnau kơ̆p kờñ bal bơh Liên hợp quốk dê bè Adăt Dà lềng nam 1982 (UNCLOS) mờ di pal mờ Adăt dà lềng lơgar Việt Nam nam 2012.

Gùng cơng tàng ngui nàng kờp bơta ơnàng gùng nhàr dà lềng lơgar Việt Nam dê tàm  pòt dà lềng đah Tô Dà lơgar geh gĭt nền tàm tơngu me ală jơnau cih UNCLOS dê, di pal mờ bơta is rơmis ù tiah mờ bơta geh is bơh pòt dà lềng Đah Tô dà lơgar dê mờ ờ lơh gơrềng tus ală bơta kơ̆p kờñ  ală lơgar dê mờ lơgar Việt Nam geh tus bal ha là lơgar tàm mpồl. Gùng cơng tàng ngui nàng kờp bơta ơnàng nhàr dà lềng lơgar Việt Nam dê tàm pòt dà lềng Đah Tô Dà lơgar là cơng tàng nàng gĭt nền nhàr ù tiah mờ bơnah ală tiah dà lềng lơgar Việt Nam dê jăt ală jơnau cih bơh UNCLOS dê mờ Jơnau hơ bal Wah nhàr dà lềng Đah Tô dà lơgar đah lơgar Việt Nam mờ lơgar Lo kĭ tàm nam 2000, lơh geh tai cơng tàng adăt boh lam nàng sền gàr mờ lơh jăt gơnoar tờm, gơnoar gơnoar tờm, gơnoar cri bơyai lơgar Việt Nam dê, drơng bơtàu tơnguh lơh sa, atbồ dà lềng mờ lơh pràn lơh broă bal mờ ală lơgar.