Broă lơh bơh Mpồl tam klăc Ơruh pơnu Dà lơgar Việt Nam mờ Mpồl Cau lơh broă sa kă bro kơnòm să Dà lơgar Việt Nam bơyai lơh mờ tơngume “Khin cha tàm dơlam is- Tơnguh gơnoar cau lơh sa kă bro Việt Nam”. Bơh gĭt nđờ rơhiang sră nggal yal tơngĭt tàm gùt lơgar, Mpồl duh broă sac rơwah neh rơwah mờ jờng rơ geh 86 nă cau lơh sa kă bro kơnòm să sơnđờm mut lơh broă jak ngan, tàm hơ̆ geh 10 nă cau pơn rơ jak ngan rlau jơh geh jàu sră jờng rơ Mpồl 10.

Đơs dơ̆ bơyai lơh, ồng Nguyễn Văn Thắng- Phó Thủ tướng jờng rơ ală tă pơgồp bơh ală mpồl lơh sa kă bro kơnòm să dê, đơs sùm sơnđờm mut lơh broă tàm tơngai bơtàu tơnguh pa pal pơgồp bal mờ jak chài măi mok, tam gơl pa bơceh lơh mờ tam gơl sồ. Phó Thủ tướng sồr pơn jat tai lơh kah wơl pràn kơl dang bơta kơ̆p kờñ sơnđờm mut lơh broă, lơh broă mờ nùs nhơm tă pơgồp dà kơl hề tàm ơruh pơnu Việt Nam dê.