Pơrjum nàng kờñ yal tơnggĭt bơta pràn, pơlam gùng bơtàu tơngguh ală anih ơhò dà lềng ơm, logistics mờ hòi jà ală cau bơcri priă dờng tus bal bơtàu tơngguh phan bơna bơ̆t bơtàu lơh sa dà lềng càr dê. Uă cau gĭt wă jrô đơs nền, tàm bơta ală anih tăc phan gùt plai ù gam rơndăp tăp sèng wơl, Khánh Hoà pal bơtàu tơngguh ndrờm bal anih ơhò dà lềng ơm, anih ơhò ơm dà thờl mờ anih tờm logistics nàng gơgơs ală mpồl lơh broă logistics pa, ala tài bơcri is rah rài tơl broă bơ̆t bơtàu.

Vân Phong rơ̆p gàr gơnoar broă anih ơhò ơm gùng lik mŭt mờ tiah tàm ntrờn ală lơgar; Cam Ranh bơtàu tơngguh logistics krơi is; ai ală anih ơhò ơm dà thờl rơ̆p tàm tơrbŏ anih ai phan bơh Tây Nguyên mờ đah Jum tàm gùl lơgar. Bơcri priă anih ơhò dà lềng ơm mờ anih ơhò ơm dà thờl dipal rơ̆p dong tơn rŭc lơyah tŭ jiơ jun ntrờn, tơrmù priă tă logistics ai mpồl lơh sa kă bro in, sơlơ tàm tơrbŏ bal tiah mờ lơh gơlik gơn kơnờm bơtàu tơngguh lơh sa dà lềng.