Bulah bè hơ̆, broă lơh ai ù lơh rơndap broă, rơndap ƀòn ơm kis pa mờ lam lơh ală rơndap broă lơh kung gam là ală bơta gơ kòl dờng ngan gơ rềng tus tơngai hơ pơrgon bơcri priă lơh mờ gơguh lơh sa. 

Nàng lơh geh jơnau kờñ GRDP 6 nhai bồ nam gơguh bơh 9,1%, ồng Nguyễn Việt Hùng, Chủ tịch Anih duh broă Làng bol càr Khánh Hòa sồr ală sờh, gah broă lơh mờ kâp hơ đơm tơrgùm tă bơsong kal ke ai mpồl lơh sa kă bro in, rề ơnàng drà tac phan, chồl tơnguh lơh sa mờ măi mok, ngui uă ngan rlau jơh bơta pràn lơh broă bơh ală hìu măi đèng dê mờ chồl mhar tơngai hơ pơrgon lam lơh ală rơndap broă lơh dờng. Càr kung sồr tơrgùm priă jền ai broă lơh ai ù lơh rơndap broă, rơndap ƀòn ơm kis pa, bơcri priă mờ ai priă bơcri dà lơgar, ngan là ală rơndap broă lơh gùng lòt, rơndap broă lơh cèng bơta gơn kơnờm mờ ală ƀòn ơm kis pa.