Kon Tum geh tai cau gơtìp kơnàs còng chơt
Thứ năm, 14:33, 08/05/2025
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV4.K'Ho - Mìng tàm nggùl nhai do tàm càr Kon Tum neh gơlik geh 3 dơ̆ kơnàs còng lơh 3 nă cau chơt mờ 7 nă cau gơtìp sồt să.
Cau dơ̆ 3 gơtìp kơnàs còng chơt tàm càr Kon Tum gơlik geh tŭ 10 jơ drim ngai 07/5. Tàm gùng lòt lơh ơpah dong cau lơh hìu rê wơl, ồng Nguyễn Hồng, 63 sơnam ơm tàm sàh Đăk Hring, kơnhoàl Đăk Hà nisơna gơtìp kơnàs còng chơt iơh. Git gŏ broă gơlik geh, làng bol jun ồng tus hìu sơnơm sàh Đăk Hring sơm mơya ồng neh chơt. Tàm tơngai ồng Hồng gơtìp kơnàs còng trồ gam geh mìu. Lài hơ̆, ngai 14/4 mờ ngai 26/4 tàm kơnhoàl Ngọc Hồi, càr Kon Tum kung gơlik geh 2 dơ̆ kơnàs còng lơh 2 nă cau chơt mờ 7 nă cau gơtìp sồt să.
Viết bình luận