Drim ngai 21/04, Tỉñ ủy càr Kon Tum bơyai lơh Pơrjum Mpồl Duh broă Đảng ƀộ càr khoă XVI ai jơnau đơs gơ wèt mờ Ală jơnau neh lơh nền, broă rơndăp lơh rơndăp tăp sèng mpồl lơh broă sră pơ àr gơnoar ătbồ kâp càr, kâp sàh. Gơ wèt mờ broă rơndăp lơh rơndăp tăp sèng, pồ tơl kwang bàng mpồl lơh broă tơnơ̆ tŭ tơmŭt bal càr Kon Tum mờ Quảng Ngãi, digơlan tơmŭt jơh wơl bè ờs ală Mpồl bơh Mpồl duh broă Làng bol, Cơldŭ lơh broă Mpồl Cau ala măt Quôk hội mờ Mpồl duh broă Làng bol 2 càr dê.

Bè broă rơndăp lơh rơndăp tăp sèng mpồl lơh broă sră pơ àr gơnoar ătbồ kâp sàh tàm ù tiah càr Kon Tum. Digơlan tơnơ̆ rơndăp tăp sèng bơh 102 sàh, sơnah ƀòn, ƀòn drà dềt gam geh tŭ do gam 40 sàh, sơnah ƀòn (geh 37 sàh, 3 sơnah ƀòn) gơmù 62 sàh, sơnah ƀòn, ƀòn drà dềt, lơh geh khà ai. Is ƀòn dờng Kon Tum bơh 21 sàh, sơnah ƀòn gam geh tŭ do tơnơ̆ rơndăp tăp sèng gam 6 sàh, sơnah ƀòn (3 sàh, 3 sơnah ƀòn).