Jơh gùt càr Kon Tum neh tơn jơh lơh broă bơh 7 Đảng, Đoàn dê; 3 Mpồl đơng lam Đảng mờ tơn jơh lơh broă Anih duh broă đơng lam Đảng Gah anih lơh broă mờ Mpồl lơh sa kă bro càr nàng tơnggơs Anih duh broă đơng lam Đảng ală anih lơh broă Đảng gơ wèt Tỉñ ủy càr mờ Anih duh broă đơng lam Đảng Anih duh broă Làng bol càr. Gơ wèt mờ ală sờh, gah, bơh 20 anih lơh broă tờm gơ wèt Anih duh broă Làng bol càr, càr Kon Tum tơmŭt wơl gam 14 anih lơh broă tờm, tàm hơ̆ tơnggơs pa Sờh Jơi bơtiàn mờ Pin dờn jăt yàng.

Càr tơmŭt bal Ƀăo Kon Tum mờ Anih Pờ tơlik jơnau đơs mờ sơñio rùp càr ai măt hòi pa là Anih tờm Mblàng yal càr Kon Tum. Bơdìh hơ̆ tai, rơndăp tăp sèng bơh 16 Mpồl geh Dà lơgar jàu kơnòl broă gam wơl 10 Mpồl. Tàm kâp kơnhoàl, bal mờ lơh jăt tơmŭt bal Mpồl Mblàng yal bơto bơtê mờ Hòi jà Làng bol Huyện ủy kơnhoàl, ală anih lơh broă lơh kơnòl broă ờs mờng gơ wèt Anih duh broă Làng bol kâp kơnhoàl rơndăp tăp sèng bơh 13 anih lơh broă tờm gam wơl 11 anih lơh broă tờm.