Jat broă lơh do, 7 mpồl lơh broă sră nggal gơnoar atbồ pa rơ̆p geh lơh jat tàm ală bơta tơmŭt bal ală sàh, sơnah ƀòn gam geh tŭ do, gàr niam bơta niam jat jơnau sồr bè bă ù mờ khà kờp làng bol. 7 mpồl lơh broă sră nggal gơnoar atbồ pa hơ̆ là Sơnah ƀòn Thống Nhất, sơnah ƀòn Pleiku, Sơnah ƀòn Diên Hồng, Sơnah ƀòn  Hội Phú, Sơnah ƀòn An Phú, Sàh Biển Hồ mờ Sàh Gào. Broă rơndăp tăp sèng geh lam lơh jat bơta sền sơwi tơl làm ală bơta kah yau, niam chài, ù tiah mờ ală bơta bơtàu tơnguh lơh sa- mpồl bơtiàn.

Ală mpồl lơh broă sră nggal gơnoar atbồ pa ndrờm lơh geh tơl jơnau sồr bơh Dà lơgar dê bè ù tiah geh is mờ khà kờp làng bol. Mơkung nàng kờñ ngui niam bơta ƀuơn, bơta pràn bơh tơl tiah dê, lơh geh ală bơta ƀuơn ngan ai bơtàu tơnguh lơh sa- mpồl bơtiàn, gàr kơ̆ sền gàr lơngăp lơngai Dà lơgar- lơngăp lơngai tàm bơta pa.