Jăt broă rơndăp geh ai, tơnơ̆ rơndăp tăp sèng, gùt lơgar rơ̆p geh 34 mpồl lơh broă sră nggal gơnoar ătbồ kấp càr, tàm hơ̆ geh 6 ƀòn dờng mờ 28 càr. Uă jơnau đơs neh đơs là, broă rơndăp tăp sèng mpồl lơh broă sră nggal gơnoar ătbồ kấp càr dơ̆ do ờ mìng tơrgùm kấp lơh broă tàm gùl là kấp kơnhoàl nàng mpồl lơh broă geh rơndăp wơl di pal rơlao, mờ gam ai geh bơta ơnàng bơtàu tơnguh tơl pràn, pơgồp bal bơta pràn ù tiah dê (geh bal tiah brê bơnơm mờ tiah dà lềng).

Jăt jơnau sồr bơh Ƀộ Cíñ trị dê, bơh ngai 01 nhai 7 tus, rơ̆p lơh broă mpồl lơh broă sră nggal gơnoar ătbồ pa, mờ broă lơh tơrlòng lài gơnoar atbồ bàr kấp (tàm hơ̆ geh kấp càr mờ kấp sàh). Cíñ phủ neh đơs nền do ờ mìng là broă rơndăp wơl mpồl lơh broă, mờ gam là tŭ niam nàng tam gơl pa, tơnguh uă bơta pràn atbồ, lơh gơlik bơnàng lơh pràn broă tam pà kấp, tam pà gơnoar mờ tơnguh lơh tờm is, kong is kơnòl bơh gơnoar atbồ ƀòn lơgar dê.