Dơ̆ lòt còp bơh Kwang atbồ lơgar Brazil geh gơtha is ồn kwơ màng, lơh geh bơta pràn sơlơ tơnguh rlau tai ală tŭ tơngai lơh broă bal đah 2 lơgar tàm tơngume Tam klăc lơh broă bal jŏ jòng Việt Nam mờ Brazil. Dơ̆ lòt còp bơh Kwang atbồ lơgar Brazil bal mờ mpồl kwang bàng kấp dờng mờ uă mpồl lơh sa kă bro lơgar Brazil dê tus Việt Nam dơ̆ do là cơng tàng pà gŏ nùs nhơm bồ tơngoh cíñ trị, bơta kwơ màng bơh bơta gĭt gơ̆p đah 2 gah kung bè đơs nền Việt Nam là dùl lơgar lơh broă bal pin dờn ngan bơh lơgar Brazil dê.

Dơ̆ lòt còp là broă lơh kwơ màng tàm lơh broă bal đah 2 gah, rề ơnàng bơta pràn tìp mat tơm bơh bơr mờ lơh broă bal tàm uă gah tờm, sơlơ tơnguh tai pơgồp bal tàm ală dơ̆ cribơyai uă lơgar dê. Tàm tơngume dơ̆ lòt còp kấp Dà lơgar tus Việt Nam, Kwang atbồ lơgar Brazil tus bal dơ̆ wă rò ngan ngồn mờ pơrjum bơyai kấp dờng mờ Củ tịc lơgar ồng Lương Cường, tìp mat kwang đơng lam bồ Đảng, Dà lơgar Việt Nam kung bè geh bàr pe broă lơh kwơ màng tàm Hà Nội.