Geh bơyai lơh di tàm tơngai 2 lơgar tơngkah kir sơnrai 50 nam lơh geh bơta gĭt gơ̆p cribơyai broă mờ lơgar ndai dơ̆ lòt còp bơh Kwang atbồ lơgar Burundi mờ pơ ùr tus Việt Nam dơ̆ do geh sền là tềl lời wơl kah yau tàm bơta gĭt gơ̆p 2 lơgar; tơngŏ bơta kơ̆p kờñ sơlơ tơnguh tai bơta gĭt gơ̆p lơh bơyô bal lơh broă bal rlau tai tàm ală gah cíñ trị, lơh sa, kă bro phan, niam chài mờ mpồl bơtiàn; di pal mờ gùng dà broă lơh bơh Đảng mờ Dà lơgar dê tàm broă rề ơnàng bơta gĭt gơ̆p lơh broă mờ lơgar ndai mờ ală Dà lơgar, ngan ngồn là Ală jơnau neh lơh nền “Bơtàu tơnguh bơta gĭt gơ̆p đah Việt Nam mờ ală lơgar tàm tiah Trung Đông- câu Phi tơngai bơh nam 2016-2025”.  

Tàm tơngume lòt còp Việt Nam, Kwang atbồ lơgar Burundi rơ̆p tus bal dơ̆ wă rò ngan ngồn mờ pơrjum bơyai kấp dờng mờ Củ tịc lơgar ồng Lương Cường, tìp kwang đơng lam bồ Đảng, Dà lơgar Việt Nam.