Kwang đơng lam bồ Đảng, Dà lơgar mŭt tàm gơlang ies ƀồc Củ tịc Hồ Chí Minh di Satềp nam pa Ất Tỵ 2025
Thứ sáu, 08:00, 24/01/2025
Cau mblàng Ndong Brawl/VOV
Cau mblàng Ndong Brawl/VOV
VOV4.K'Ho- Di Satềp nam pa Ất Tỵ, drim òr (23/01), hơ̆ là ngai 24 nhai 12 jăt tơngai àng kơnhai, Mpồl kwang ala măt ală kwang bàng đơng lam, kwang đơng lam Đảng, Dà lơgar lài do bal mờ ală ƀộ, gah lơh broă Dà lơgar bal mờ ƀòn dờng Hà Nội tus pơdơng bơkào mờ mŭt tàm gơlang ƀồc ies Củ tịc Hồ Chí Minh.
Goàng bơkào bơh Mpồl kwang bàng geh jơnau cih “Rài rài kah ưn ngài Củ tịc Hồ Chí Minh jăk chài”. Mờ nùs nhơm git ưn ngài uă ngan, Mpồl kwang bàng ala măt neh kah tus Củ tịc Hồ Chí Minh, kwang đơng lam bồ jăk chài, Khin cha jăk chài tơnklàs jơi bơtiàn.
Cau neh ai jơh rài kis drơng làng bol, dà lơgar he in. Pơn jăt tai, Mpồl ala măt Mpồl duh broă Đảng Dà lơgar, Củ tịc lơgar, Quốk hội, Cíñ phủ, Anih duh broă Mặt trận Dà lơgar Việt Nam neh tus pơdơng bơkào mờ chu nàng kah kơlôi ală Cau ling chơ̆t màng tềng Jơnang kah kơlôi ală Cau ling chơ̆t màng, gùng Bắc Sơn.
Viết bình luận